{ SKIP }
文:MenClub 魏文青  
POSTED ON 16 Mar 2022

曾幾何時,巴塞羅那件波衫就係一件藍紅相間、全無贊助商Logo嘅波衫,直到2006/07球季,波衫上先出現聯合國保護兒童基金會 (UNICEF) 嘅Logo,當時亦係以做善事嘅名義,巴塞實際上係「捐」咗個波衫位黎宣傳UNICEF,但自2011/12球季起,巴塞羅那波衫就正式出現商業機構嘅商標,先有2011-2016年嘅卡塔爾航空,再到沿用至今嘅日本樂天 (Rakuten),黎緊就會變成音樂串流平台Spotify,而且今次連魯營球場嘅命名權都賣埋出去。

圖片:巴塞羅那足球隊官網

巴塞官網於香港時間今早宣佈,董事會已批準Spotify成為球隊未來四年嘅主贊助以及「官方音樂串流伙伴」,由下球季起巴塞男、女子足球隊嘅波衫就會改印Spotify標誌。與此同時,球會亦首次出售魯營球場嘅命名權予Spotify,黎緊7月會正式改名成「Spotify 魯營球場 (Spotify Camp Nou)」。

官方聲明指雙方合作嘅願景係「創造一個協助藝人與全球巴塞Fans們互動嘅平台」,「利用球場內嘅宣傳空間,將藝人們的作品帶畀觀看巴塞比賽嘅全球球迷。」

圖片:巴塞羅那足球隊官網

值得一提嘅,是次合作仲需要經過「指定外部會員大會 (Extraordinary Delegate Members Assembly)」投票通過,不過考慮到據報四年合約價值3.1億美金,加上巴塞近年財困,相信通過並非難事。另外據報巴塞本來係希望開個更高嘅價錢,但奈何實際上有登記成為官方巴塞會員嘅人只有350萬,對比起估計全球有3.5億巴塞Fans只佔1%,所以叫價未能更高。

資料來源:巴塞羅那足球隊官網
尼馬預計即將離隊!
sports
【足球】尼馬將被巴黎趕走,唔知會碌去邊呢?
29 Jun 2022
雖然話奧運係全球矚目嘅大型運動賽事之一,但喺芸芸眾多奧運項目之中,總有啲係大家冇乜聽過、又冇咩興趣睇。好似「現代五項」咁,佢嗰「五項」究竟係邊五項都唔係人人數得出。不過去到2028年洛杉磯奧運,現代五項中 ...
sports
【運動】「力王爭霸戰」或成奧運項目 最快2028洛杉磯奧運成真
27 Jun 2022