{ SKIP }
文:MenClub 波特先生  圖:互聯網
POSTED ON 28 Mar 2022

「大難不死必有後福」呢個說話可能適合用於丹麥球員基斯甸艾歷臣身上,呢位30歲中前場球員去年歐國盃分組賽期間差啲因意外救唔翻,但近日佢正式重返國家隊,甚至表現出色令球迷欣慰。

當日歐國盃面對芬蘭嘅比賽期間,艾歷臣因突發性心臟問題導致在場上失去意識,經檢查後初頭都仲有呼吸及脈搏,但好快心跳卻停止,救護人員需要為佢進行CPR搶救,甚至要動用去顫電擊令佢回復心跳,最後經過20分鐘搶救佢終於有番意識,並送到醫院救治,情況亦告穩定。而最終,醫院決定為艾歷臣加入心臟除顫器,以防佢再出現相同情況,手術後其狀態良好,甚至其職業生涯可再次繼續。

雖然可以踢翻波,但由於意甲禁止裝有心臟除顫器嘅球員上陣,所以艾歷臣只能夠離開國米,另覓出路,最終英超球隊賓福特比左呢個重生嘅機會佢。而日前一場友賽丹麥國家隊亦再次征召呢位球員,實在令球迷大大感動。

而更令人感動嘅係,今場友賽面對荷蘭,作為阿積士青訓球員嘅艾歷臣後備上陣下,獲得全場無論係丹麥定係荷蘭嘅球迷熱烈歡迎,最終佢更閃電攻入一球,雖然丹麥未能取得勝利,但一切都難比艾歷臣能夠重返國家隊比賽嘅興奮!

確實能夠經歷過死關之後再次上陣嘅艾歷臣,令所有人都動容,其中更包括佢嘅對手,有荷蘭球員今仗就表示,喺場上面對艾歷臣有時候感覺好難全力去與佢對抗,因為呢個球員岩岩先從死亡回歸,唔想佢受到咩嚴重打擊。

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024