{ SKIP }
文:MenClub 波特先生  圖:互聯網
POSTED ON 23 Jun 2022

勇士今年在沒有被完全看好下,最終再次奪得NBA總冠軍,實在係令唔少人驚喜。不過,呢套冠軍陣容來季應該難以繼續,因為巨大嘅奢侈稅問題。

今季勇士能夠奪得總冠軍,除左三巨頭之外,一班綠葉絕對係功不可沒,好似Andrew Wiggins、Jordan Poole、Gary Payton II、Kevon Lonney、Otto Porter Jr.等。不過,單係上季勇士已經付上全聯盟最高嘅1.78億美元工資,如果呢班球員全體留低嘅話,勇士將需要支付4.75億美元,相信球隊無可能比呢件事發生的。

因此,勇士可以話一定會進行交易,而自由球員亦好大機會比佢離開。而呢班球員當中,Wiggins可能係最令勇士頭痛嘅球員,來季就係佢合約嘅最後一年,其年薪將達到3300多萬美元,而佢希望以3700萬美元嘅年薪去續約,呢個對於勇士黎講絕對唔係講笑。

而另外,Poole今季表現出色,特別係喺季後賽表現更突出,所以雖然今季佢只係拎緊300多萬美元嘅工資,但預計佢將有機會爭取2000萬美元嘅年薪,所以勇士要留低佢都相當有難度。

另一邊廂,Lonney作為勇士重點培訓嘅球員,今季年薪只係500多萬,但亦正正係續約之年,相信佢嘅工資亦會上升不少,但預計勇直都係會將佢留低的。而Payton嘅防守亦係勇士所需要的,而今季佢嘅年薪不足200萬美元,續約的話應該都500萬美元起跳,就睇下勇士有機大決心留低佢啦。

除左勇士之外,其實球員都有自己嘅選擇權,特別係Wiggins因為合約不受限,所以可以決定與其他球員續約的。最終究竟勇士來季陣容係點呢? 就大家拭目以待啦!

減肥係大部份人嘅終生事業,所以屋企或多或少都會有啲健身器材存在。問題係啲健身器材通常都又重又大而且仲幾樣衰,放喺屋企都真係幾破壞觀感。好在日本Mizuno近日就同美國花生動畫聯手,推出一系列《Snoopy》運動用 ...
sports
【健身】最可愛健身用具 Mizuno推Snoopy公仔啞鈴
20 Jan 2023
阿根廷贏得世界盃冠軍後,球員們紛紛與親友於場內慶祝,殊不知土耳其網紅廚師Salt Bae突然亂入同多位球員合照,更捧起大力神盃,行為引起大批球迷不滿,更被製成各種Meme圖瘋傳。事隔多日,FIFA終於發聲明表示會展開 ...
sports
【菠蘿雞】Salt Bae落場捧盃捉美斯合照惹爭議 FIFA:將展開調查
23 Dec 2022