住喺香港嘅大家可能比較少聽，但係玩開NIKE波鞋嘅潮人一定聽過，又或者用過NIKE嘅 "SNKRS" 去睇Nike嚟緊出波鞋嘅Schedule，又或者再勁啲用佢嘅手機Apps去買鞋。

咁點解我會話未必人人聽過呢？咁係因為呢個 "SNKRS" 唔係個個國家或者地區都支援嘅。最近我哋嘅中國大陸都有專屬嘅 SNKRS 嘅網站同埋手機 Apps。

而英國嗰邊嘅SNKRS（佢哋喺英國個名係叫SNEAKRS）就喺八月八號正式啟用咗一周年。Nike 爲咗陸重其事，佢哋就喺官網公布咗佢哋會於當地時間嘅八月八號，喺專屬手機Apps上面搞個「特別活動」。

很想要吧？！其實官方連Restock隻字都無提過呀，只不過外國嘅Sneakerhead 就喺Reddit到討論，而且分析到好大機會係類似 ”Easter Egg" 嘅活動形式，只要搵到彩蛋就有機會買到官網片中嘅"Hottest Items"，同時亦有當日嘅Restock嘅鞋款列表流出。

但係要留意返，大家除咗要mon實個SNEAKRS Apps 之外，最重要嘅係要搵到人有英國當地/歐洲嘅信用卡同地址呀！因為按照常理嘅話 Nike係會Block 海外信用卡，令外國人畀唔到錢買鞋，而家搵朋友睇吓仲搵唔搵得切啦，機會難得呀飛雲！