影相容乜易的今日，男士追求嘅Photography，唔單止係講張相，手持一部品味相機，對焦，按下快門，通通是樂趣，也是過程的享受。如是者，Leica現今正正係男士們最想擁有的攝影玩物。但礙於budget預算，想擁有一部「可樂嘜」嘅Leica，又冇你想像中咁輕鬆。日前Leica就公佈推出最新的M系相機M-E(Typ 240)旁軸相機，配上最classic嘅銀黑機身，加上24MP全片幅CMOS設定，而定價就M10平上一大截，定價$35,000，唔知吸唔吸引到大家下海呢？

許多人或者對「入門機」一詞感到不滿，但Leica M-E(Typ 240)同樣採用Leica標準銀黑classic造型，採用2400萬全片幅CMOS感光元件，ISO 6400感光值，手動Full HD拍攝功能，以及每秒3張連拍，而Leica M-E生產由德國廠方生產。基本上只有連拍及ISO方面明顯比Leica M10 弱，但價錢上，Leica M-E卻完全取勝！

在外觀外，Leica M-E與一般的Leica M系機無分別，基本上直接操作鍵都在LCD Mon的左方，而機身亦可與Leica所有M-mount鏡頭完全相容，絕對滿足到大家對Leica M-E入手的慾望！