{ SKIP }
文:MenClub 魏文青  
POSTED ON 24 Jul 2017
黑膠熱又再興起,搞到文青都好想買部黑膠機放喺屋企聽下。但市面上嘅黑膠機閒閒地都要二、三千銀起跳,之後又要配喇叭又線又盛,對入門者黎講都真係幾肉赤。好在我近期就發現由台灣團隊推出嘅「Spinbox」紙箱黑膠機,唔使一千銀就可以擁有一部質素唔錯嘅唱機、又可以過下砌嘢癮、甚至仲可以拎出街用!或者就可以成為一眾入門者嘅第一部黑膠啦。


Spinbox之前已經於台灣嘅眾籌網站成功集資出貨,所以大家可以比較放心。Spinbox嘅包裝就係一個類似Pizza盒嘅紙盒,入面有轉盤模組、擴音、喇叭同一切電線電路,買家只需要跟從指示,就可以自己砌出一部黑膠機。因為結構非常簡單,所以大家亦可以自行DIY,例如喺紙箱上畫你自己鍾意嘅圖案、甚至成個換做其他嘢都可以。如果用返紙箱,又因為輕便嘅關係所以可以隨時拎出街用——喺沙灘、公園聽黑膠成件事幾咁作狀呀真係!

台版宣傳片

聲音示範


你擔心用紙皮部機會好脆弱,唔小心倒瀉水就成部玩完?放心,因為個紙箱其實有特別塗層,有一定防水效用,你唔係拎去浸水嘅話佢應該都冇太大問題。另外佢仲有AUX in線接駁電話,變成一個播放器,亦可以接駁耳機或者外置喇叭,仲可以用USB供電,即係配個尿袋佢就可以去到邊播到邊。睇黎成件事真係好美好。


目前Spinbox就喺Kickstarter集緊資,上星期一公開,用咗40分鐘就完成咗目標。目前淨返最平嘅選擇係99美金一個,預計11月出貨。大家又會唔會有興趣?


Spinbox on Kickstarter
Spinbox on Facebook

隨住AI越黎越普及,相信唔少人都已經有使用AI嘅習慣,由過往嘅「唔識問Google」變成「唔識問AI」,AI於部份職場中甚至已經係必需品,想避都避唔到。據外媒引述多個外國研究更發現,現代打工作似乎陷入「冇用AI嘅扮有 ...
tech
【科技】AI用又驚唔用又驚 新研究揭職場AI焦慮
24 Jul 2025
隨住越黎越多研究指出長期使用社交媒體會影響青少年心智發展,同時互聯網上又一直充斥住被視為對年輕人有害嘅成人內容,唔少家長都開始重視小朋友使用智能手機嘅頻率。而近日有美國公司就推出一款專為青少年而設,唔 ...
tech
【科技】外國推青少年專用iPhone 月費近千無社交App連瀏覽器都無
22 Jul 2025