旅遊奧斯卡亞洲最好去的城市是…

文：MenClub 魏文青　　
POSTED ON 23 Jul 2017

依家啲人成日話要去一場「想去就去嘅旅行」，但有時你有錢有假有伴，你又突然發現自己唔知想去咩地方。如果係咁，由美國知名旅行月刊「Travel + Leisure」舉行，被稱為「旅遊奧斯卡」嘅一年一度「World's Best」獎項就可能畀到啲靈感你啦。

「World's Best」獎項由讀者投票而成，總共分為「酒店」、「城市」、「島嶼」、「交通」、「郵輪」、「溫泉」同「當地團及狩獵旅行」七個大項，而每個大項又細分多個小項，例如「城市」最起碼都分咗「歐洲」、「亞洲」、「非洲及中東」、「墨西哥及中美洲」等N個，無論你諗到同諗唔到嘅地方、旅程佢都有哂排名，如果要跟住去你真係識分身都唔掂。但我哋係亞洲人黎嘛，咁就緊係要睇下「亞洲城市」排名啦！
京都，日本清邁，泰國
第10名廷布，北丹第9名東京，日本第8名曼谷，泰國第7名烏代浦，印度第6名暹粒，柬埔寨第5名龍坡邦，老撾第4名烏布，印尼第3名會安，越南第2名京都，日本第1名清邁，泰國
烏代浦，印度烏布，印尼
雖然大家成日去嘅日本同泰國都有兩個城市上榜，但其他六個城市對大部份人黎講都相當陌生，甚至聽都冇聽過。事實上就連「Travel + Leisure」都寫到今年讀者口味有所改變，過往上榜嘅大都市好多都唔見咗，例如2015年嘅名單就有新加坡、香港、上海等城市，今年取而代之嘅就係擁有獨特文化背景、熱帶Resort及友善居民嘅東南亞城市。例如老撾嘅龍坡邦就被形容為「令人心境平靜」、「非常有靈性」。
龍坡邦，老撾
Travel + Leisure網站上仲有好多好多「World's Best」畀大家參考，花啲時間你就可能搵到下個旅程嘅目的地啦。
Travel + Leisure