{ SKIP }
文:MenClub 路兒  圖:互聯網
POSTED ON 18 Sep 2017
iPhone X登場後,人人趨之若鶩,個個茶餘飯後都討論下Face ID臉容解鎖戴住黑超咪用唔到、瞓覺又要蒙住臉費事畀老婆偷雞解鎖咁話。如何承受這好奇?有請Apple高層Craig Federighi(即係發布會台上示範Face ID失手果位)親自同大家解話。


發布會時,官方已經提到同卵雙生嘅孖生兄弟姊妹Face ID開到鎖嘅機會較大;日前Craig Federighi再透過電郵同媒體訪問,親自解答大眾其他疑問,整合如下:



1: 戴住太陽眼鏡時能否繼續使用Face ID解鎖?

大部分情況下都冇問題,Face ID使用紅外線辨認人樣,一般太陽眼鏡可以畀足夠紅外線通過;但又不能一概而論,每副太陽眼鏡都會過濾不同程度嘅紅外線,同鏡片顏色深淺無關,所以都係視乎個別情況啦。



2: 戴住口罩解唔解到鎖?

Sorry,遮住樣就真係唔得啦,口罩或者面具都唔得(瞓覺驚畀人偷睇手機你知點做啦)。不過頸巾、帽甚至頭盔都可以,化咗妝都認到,認唔到果啲應該叫喬裝。



3: 會唔會有機會畀人搶咗部iPhone,一嘢隊部機埋臉前,強行解鎖?

只要你唔望實部iPhoneFace ID就解唔到鎖。你亦可以喺交出電話前,按住機身兩邊嘅按鈕,暫時停用Face ID功能,唔畀老婆壞人得逞。



4: 部手機要放幾近同咩角度先解到鎖?

基本上同自拍嘅角度差不多,只要前鏡頭睇到晒你嘅眼耳口鼻,就算放大脾咁低,都一樣可以成功解鎖,前提係你望實部機。如果你慣咗放部機喺枱面都成日望吓有冇Message的話,可能要戒吓啦,唔係不停開鎖都幾煩。



5: 盲咗解唔解到鎖?

可以,視障人士關閉「注視感知」(Attention Detection)功能後,即使雙眼冇直視手機,只要鏡頭辨認到臉孔,一樣可以用Face ID解鎖,但安全度就會相對減低。你亦可以選擇唔用Face ID,改用密碼或其他方法解鎖。




來源:TechCrunch, MacRumor
於運動相機界舉足輕重嘅中國品牌DJI日前推出手機穩定器Osmo Mobile系列嘅最新作,當中除咗於穩定性及跟拍性都有所進步之外,最大嘅更新或者就係加入全新「多功能追蹤模組」,令大家可以唔用DJI Mimo app,直接用手機 ...
tech
【科技】DJI推Osmo Mobile 7P 可用電話原生相機拍攝
20 Feb 2025
睇住Bitcoin價值屢創新高,或者唔少人都會發夢「呀如果早十年我已經開始掘緊Bitcoin我依家就發囉」。而英國有個人,就真係於十年前就已經掘咗8000枚Bitcoin,依家總值約近8億美金但問題係佢十年前一時錯手將個存有Bi ...
tech
【科技】埋7.5億Bitcoin堆填區即將關閉 持有者有意買起整個堆填區
18 Feb 2025