Face ID出現之後，個個男人都對Face ID又愛又恨，快捷方便嘅代價，就係半夜擔驚受怕，驚住被枕邊人偷偷拎嚟解鎖。留意返，合埋眼係解唔到鎖嘅，但偉大嘅祖國亦睇準商機，乘勢推出一系列「防解鎖面罩」，安詳睡眠必備咁話。

先安撫一下大家，Apple已經澄清，要雙眼睜開直視手機，先可以解鎖，理論上瞓緊覺時係唔會畀人偷雞用Face ID開鎖嘅。Any肥，淘寶網出現「防iPhone Ｘ臉部辨識面罩」同「頭套」，露眼定露嘴任君選擇，仲有唔同顏色、花紋，售價由35人民幣到999人民幣都有（貴果款亦冇任何說明貴喺邊）。當然說穿了大部分根本就係大媽至愛「面堅尼」換個名又拎出嚟賣，騙徒手法層出不窮呀。