Windows Phone玩完？Microsoft高層宣布停止開發

文：MenClub 路兒　　圖：互聯網
POSTED ON 09 Oct 2017

今時今日提起Windows Phone，後生幾年可能真係會問句：「咩嚟架？食得架？」大佬你2017年全球市場佔有率連0.1%都冇，又真係悉尼老鼠，連Bill Gates自己都唔用。分手要狠，Microsoft高層就喺Twitter承認公司決定斬纜，唔再開發Windows Phone啦，殘念！
Of course we'll continue to support the platform.. bug fixes, security updates, etc. But building new features/hw aren't the focus. https://t.co/0CH9TZdIFu — Joe Belfiore (@joebelfiore) 2017年10月8日
Microsoft Windows 10部門副總裁Joe Belfiore負責設計Windows 10 Mobile，不過佢最近就喺Twitter上面宣布Windows Phone「已死」，公司仍會繼續支援平台，至少會提供基本嘅Bug Fix、安全更新等等，但就唔會再集中開發新功能同硬件，擺喺度由佢自然陰乾沒落。
We have tried VERY HARD to incent app devs. Paid money.. wrote apps 4 them.. but volume of users is too low for most companies to invest. https://t.co/ePsySxR3LB — Joe Belfiore (@joebelfiore) 2017年10月8日
(2/2) As an individual end-user, I switched platforms for the app/hw diversity. We will support those users too! Choose what's best 4 u. https://t.co/LKQBL3w7gA — Joe Belfiore (@joebelfiore) 2017年10月8日
至於Windows Phone「死因」，Joe Belfiore就提到原因之一，話已經出盡奶力去吸引程式開發員，又試過畀錢，又試過幫佢哋寫埋Apps（咁筍？），但可惜使用者人數仍然太少，大部分公司唔願意科水投資，真係聞者傷心聽者流淚。Joe Belfiore同時亦承認同Bill Gates一樣放棄Windows Phone，轉用「其他平台」嘅手機以求更多元化嘅App同硬件，好大可能係Android。假如你仲手持緊Windows Phone的話，識做啦？