{ SKIP }
文:MenClub 路兒  圖:互聯網
POSTED ON 24 Oct 2017

科技一日千里,家陣手機加密技術不斷改良,單單係屏幕解鎖已經用到臉容識別同指紋感應等生物認證,裡面嘅資料都會加密儲存,要破解一啲都唔易。連FBI都被加密技術考起,喺最新嘅消息公布中,話舊年有成6,900部機解唔到鎖。
FBI總指揮Christopher Wray早前發表演講,提到喺過往11個月,FBI未能擷取超過6,900部流動裝置嘅內容,引起科技公司同執法部門對裝置解密嘅關注。目前當FBI或其他執法機關拘捕疑犯,需要喺手持搜查令嘅情況下,先可以查看疑犯嘅手機上鎖內容;香港警方亦同樣需申請搜查令先可以要求解鎖。
不過,有搜查令唔代表就一定解到鎖。2016年加州槍擊案恐襲中,槍手被擊斃,FBI要求Apple將槍手所用嘅iPhone 5c解鎖,更搬上法院,但仍被Apple拒絕。Apple當時發出聲明,表示「拒絕FBI的要求,為iPhone建後門,是因為這是錯誤的,而且會立危險先例」。最後FBI自行搵咗間以色列公司幫手解鎖。FBI未有透露,去年果6,900當中幾多部係iPhone或iPad。

來源:美聯社
繼上年9月歐盟立法統一充電規格後,最近中國工信部亦出手,表示會促進充電接口及技術融合統一,減少電子垃圾提升資源利用率,或者大家好快就可以一線走天下。 據中國傳媒報導,日前中國工信部針對網易CE ...
tech
【科技】中國工信部推動充電接口統一 Apple Lightning接口或被禁用
13 Jan 2022
你支持Apple定Meta?
tech
【Apple】元宇宙要日日帶住VR眼鏡? Apple唔Buy!
12 Jan 2022