一連幾日假期將至，返工做到隻狗咁，難得放假當然想攤抖一下，但堆積如山嘅家頭細務又點算好呢？唔好話我知叫條女做，除非你條女來自德成啦。都唔使灰心嘅，ECOVACS ROBOTICS呢款BB-8吸塵機械人又可愛又實用，阿Mam可能會畀佢入屋幫手呢。

ECOVACS ROBOTICS呢款DEEBOT M88 BB-8特別版吸塵機械人具雙效設計，可以一次過搞掂掃地、吸塵同拖地；採用V形刷頭設計吸除污垢與灰塵，並內置分離式水槽同抹布，做埋拖地工作。吸口亦可以按需要互換，直吸口可以防止毛髮纏繞，而滾刷吸口則適用於地毯等環境；仲有多種清潔模式，例如邊緣模式、定點模式，以及最大吸力模式，牆角同頑固污漬都可以交畀佢。

同真BB-8一樣，DEEBOT M88 BB-8特別版吸塵機械人識得自己「碌」，Smart Cleaning Path智能路徑規劃技術會以「弓」字形路線，來回吸塵拖地，直到地板完全乾淨為止。用家亦可以使用手機App，預定清潔時間、設定清潔模式、監控清潔狀態等等。DEEBOT M88星戰BB-8特別版現已有售，定價4,598港元，聖誕禮物有著落啦掛Sir。

查詢：大昌貿易行

電話：2262 1988