【活佛VIVA系列】Acer推智能佛珠

文：MenClub 路兒　　圖：互聯網
POSTED ON 05 Mar 2018

宗教同教技兩樣嘢，似乎風馬牛不相及，聯想起嘅關連詞只有「Steve Jobs」。但Acer就力求創新，號稱以「生活修身、修心」為概念，跨界創作咗全新產品——智能佛珠，集靜坐念佛同健康量度功能於一身，果然善哉善哉呀！

Acer智能佛珠（Leap Beads）實際上只有一顆係電子珠，其餘13顆係普通木珠，由崖柏製成，散發薄荷木香。智能佛珠可以連接手機App，設定時間同六種情境音念佛誦經，亦可以設定埋念誦類型、內容、迴向對象等，並自動記錄念佛次數；電子珠上嘅蓮花圖案仲會亮起兼震動提示。

此外，智能佛珠都可以好似一般智能手環咁，記錄步數、總里數、消化熱量、睡眠等健康狀況，長戴住都相當實用。將電子珠放入無線充電座就可以充電，充電兩小時後約可以待機4日。Acer去年已經同大甲媽祖活動聯乘，推出過祈福特別版筆電，今次繼續打破人機藩籬的企業理念，將佛具變成時尚智能手環。佛珠預計3月中於台灣上市，結緣價3,888台幣（1,040港元），另有客製版選擇。