新海誠執導新MV 靚天靚景靚建築

文：MenClub 魏文青　　
POSTED ON 09 May 2018

知名日本動畫導演新海誠啱啱公佈咗最新作品，不過就唔係新電影，而係為日本知名建築公司「大成建築」製作嘅第四條廣告。新海誠仲搵黎組合「無限開關（Sukima Switch）」製作廣告歌《ミスターカイト（Mr.Kite）》，並將新作與2011年開始製作另外三條廣告拼合製成兩分鐘嘅MV，絕美畫面加上優美旋律，係咪令你有啲想睇多次《你的名字》呢？

雖然話係條廣告，但新海誠絕對冇揸流灘，畫面一貫壯麗之餘亦兼具故事性。大概係講一名日本女生跟隨父親的腳步進入工程界，之後遠赴新加坡負責地鐵建築工程。而新廣告就係講述女生為咗完成工作而錯過同學聚會，展現工程人員嘅盡責。據知為咗取材新海誠仲親身去到新加坡嘅地盤取景，連「無限開關」製作歌曲時佢亦有參與，難怪首歌同個畫面咁夾啦。