6月14號世界盃就要開波喇，《FIFA 18》嘅世界盃模式今晚都有更新(確實時間未知)！點先可以更新？只要本身買咗《FIFA 18》，就可以免費喺網上下載世界盃模式更新，遊戲平台包括PC、PS4、Xbox One 及 Switch。

內容方面，《FIFA 18》世界盃模式除咗 32 強球隊外，仲有 17 隊無緣晉身世界盃決賽週嘅球隊，包括奧地利、加拿大、智利、中國、捷克、希臘、愛爾蘭、意大利、荷蘭、紐西蘭、北愛爾蘭、挪威、羅馬尼亞、蘇格蘭、土耳其、美國及威爾斯。

世界盃模式仲有 12 個球場、全新嘅國家隊球迷及球場氣氛、打氣 Banner、以及今屆世界盃嘅足球等。