繼Note 7之後最令人期待嘅三星機就係Note 9，，可能係機名太似廣東話，感到份外親切。講返部機先，三星最近為新機Galaxy Note 9發出邀請函，將會喺8月9日於美國紐約發佈新機。邀請函片段中嘅應該係Note 9嘅S Pen，用上咗黃色新配色，似乎今次S Pen內有乾坤！

三星日前發出邀請，表示將會喺8月9日舉行「Samsung Galaxy Unpacked 2018」活動，活動預告雖然無講明係發佈啲咩產品，但憑片中嘅S Pen就大概估到三星將會發佈Note 9。加上用S Pen以黃色登場，估計黃色會係Note 9嘅新配色！

之前有唔少網站流出過Galaxy Note 9嘅規格，其中機身尺寸為161.9 x 76.3 x 8.8mm，用上6.3 吋18.5:9 比例嘅QHD+解析度SuperAMOLED屏幕，搭載高通S845或者Exynos 9810 處理器，內置6GB / 8GB RAM等等。