日本Softbank旗下子公司SB Drive與百度及製造商金龍聯合汽車合作，將會喺明年初引入10架迷你無人駕駛巴士「Apolong」到日本。合作協議於百度AI開發者大會上公佈，而今次日本引入10 架「Apolong」，同時係中國首次出口無人駕駛車輛到外地。

「Apolong」係由百度及金龍共同開發嘅迷你無人駕駛巴士，佢配備咗百度嘅「Apollo 」無人駕駛系統，而呢個系統達到無人駕駛Level 4 級別，即係話車輛喺特定條件下可以全權接管所有駕駛操作。

另外，Softbank旗下嘅SB Drive已經用緊法國製造嘅電動巴士，並於福島縣東京福島第一核電站投入使用。按照計劃，日本將會喺2020年內喺羽田機場實現無人駕駛商業化。

來源︰TechCrunch