俄羅斯奢侈品訂製商Caviar喺幾個月前推出咗名為「Tesla iPhone X」嘅訂製太陽能充電背殼iPhone X，近日外國科技網站MacRumors拎到呢部「Tesla iPhone X」嘅原型機並進行開箱，一齊睇吓呢部iPhone X同電動車生產商Tesla有咩關係！

呢部訂製嘅「Tesla iPhone X」其實同Elon Musk旗下嘅電動車生產商Tesla無咩關係，不過據訂製商Caviar嘅介紹指出，「Tesla iPhone X」嘅設計嘅手機太陽能充電背殼及電池組時受到Elon Musk所啟發，所以就改咗呢個名。

「Tesla iPhone X」由機背除咗有太陽能面板外，仲有刻住「Tesla Limited Edition」嘅金屬牌。此外，呢個「Tesla iPhone X」嘅後置太陽能充電板及電池並非可以獨立拆卸，佢已經鑲嵌咗喺部iPhone X嘅背面。

額外鑲嵌嘅太陽能充電板及電池為「Tesla iPhone X」帶嚟2300mAh嘅額外電量，而要為呢部機充電可以透過太陽能，又或者喺機背鏡頭下方用磁吸式USB接口為iPhone機殼電池充電。「Tesla iPhone X」除咗有太陽能充電電池外，仲加入了碳纖維、鍍金等材料，而定價為4400美元。

來源：MacRumors