即將推出嘅Capcom重製大作《Resident Evil 2》(バイオハザード RE:2) 1月11日推出試玩版喇！今次嘅試玩版名為「1-Shot Demo」，即係話你只一次機會，玩完就無得再玩。同時，「1-Shot Demo」係限時30分鐘，無論你有無死，30分鐘後都會限制終止！

《Resident Evil 2》原本係1998年喺PS1推出嘅經典驚悚遊戲，今次重製版本採用咗高畫質3D繪圖去重現當年嘅經典場景及劇情，吸引唔少兒時玩過原版嘅玩家期待！Capcom日前宣布將會喺1月11日至31日推出「1-Shot Demo」試玩版，玩家可以喺PS4、Xbox One、PC Steam平台免費下載。

雖然試玩版名為「1-Shot Demo」，不過唔係死咗就會Game Over，玩家可以喺30分鐘內重新嚟過，但試玩開始後30分鐘時間就會倒數，30分鐘後遊戲就會強制結束。如果玩家想知道遊戲結局，咁就要盡快過關，慳子彈之餘仲要執有用道具，祝大家好運！

來源：GamesRader