唔記得巴打有冇印象，之前MenClub介紹過兩本性感絲襪參考書《よむタイツペール》同埋《よむタイツ セピア》，呢兩本絲襪參考書特別在二次元同三次元神同步地登場，一邊係繪師よむ‏畫嘅黑絲女女，而另一邊就係著住黑絲嘅cosplayerあまつ様，兩個同一服飾同一造型兼同一甫士，無論係鍾意二次元定三次元嘅你，一樣滿足得到！而最近，呢位咁出名嘅黑絲繪師よむ就有重大消息公布，就係繼《星期一的豐滿》同埋《很想被人用一臉嫌棄的眼神把内褲給我看》之後，よむ嘅黑絲插畫作品都改編成動畫喇！

よむ嘅黑絲作品將會改編成動畫《みるタイツ》，意思就係「睇絲襪」，而喺初公開嘅PV入面，就出現咗三位黑絲JK，分別係「藍川レン」、「中紅ユア」同埋「萌黃ホミ」，佢哋三人嘅黑絲丹數分別係30、60、110。

動畫《みるタイツ》由よむ本人擔任故事原案，小川優樹監督，系列構成由丸戶史明負責，日比野ゆかり做角色設計，另外橫濱動畫Labo擔綱製作，真係好好奇呢系列嘅黑絲動畫內容係關於咩呢？