終於有喇！先後於美國、英國、澳洲、加拿大、法國及德國等國家發售嘅HomePod，確定喺今個星期五(18/1)正式登陸香港及中國。Apple嘅HomePod於香港售價為港幣$2799，而中國售價為人民幣售價$2799，所以港版比較平。

港版HomePod除咗支援自家嘅Apple Music外，佢仲支援KKBox、Spotify及JOOX等香港熱門音樂串流Apps。如果覺得一部HomePod唔夠立體聲，仲可以用兩部HomePod設定為立體聲組合，營造更廣闊、更身歷其境的音場，遠勝傳統立體聲喇叭。

另外，HomePod隔咗成年先登陸香港，估計都係同廣東話Siri有關，而今次官方指出可以用HomePod以一句「播啲我鍾意嘅歌」召喚Siri，或者按心情或類型播放音樂，例如國語流行曲及廣東歌。