平時大家見嘅高達都係一副威風凜凜征戰沙場嘅模樣，有冇諗過，其實喺戰場以外，高達們都係過住好似你同我一樣嘅平凡日常，會同家人Family Day，會同朋友一齊出去圍威喂，會同另一伴打情罵悄……日本網友「ガンダム百景@gundamhyakkei」就喺Twitter上Post咗佢由2017年到而家所畫嘅一系列《高達百景》，直到2019年1月4日，佢終於畫齊100張高達日常插畫，成功完成《高達百景》！

「ガンダム百景@gundamhyakkei」自從2017年開Twitter之後，每隔幾日都會Post一張高達日常嘅插畫，而佢同時係仿照日本最具代表性嘅100個景点嘅《日本百景》，畫成以高達為主角嘅《高達百景》，内容係描繪「高達嘅日常生活」，望住一眾高達同普通人一樣咁扔垃圾、行街、睇電視，感覺的確幾過癮！一齊睇睇佢部分有趣嘅《高達百景》插畫啦！