Elon Musk旗下嘅太空科技公司SpaceX即將完成火箭Starship Hopper嘅最後組裝，但同時SpaceX亦因大量投資研發陷入裁員困境。而據消息指，旗下擁有超過6000名員工嘅SpaceX擬裁員10%，即大約炒600人。

日前SpaceX發聲明指出，為咗繼續服務顧客，並於喺開發太空船及全球太空互聯網獲得成功，SpaceX必須進行瘦身，以為一間更強嘅公司。同時，聲明指出喺SpaceX進行唔同嘅研發使命時，即使單獨嘗試研發都有機會破壞咗其他組織，即係話公司要同優秀及認真工作嘅夥伴分道揚鑣。

雖然SpaceX要大裁員，不過仍然無阻火箭Starship Hopper進行最後組裝。而Starship Hopper首次初試航將會喺3月或4月，屆時Starship Hopper將進行若干公里嘅次軌道短程飛行，然後返去地球。