對於唔少駕駛者嚟講，Google Maps可以話係必備嘅工具App，除咗可以導航之外，仲可以話你知邊個過段擠塞。就好似今朝「中環灣仔繞道」咁，一Check就睇到車龍由繞道塞到去西隧。不過Google Maps嘅功能唔只於此，近日就推出咗「偵速攝影機提示」及「道路速度限制提示」功能，相信對唔少司機嚟講係件恩物！

日前Google喺旗下應用程式Google Maps推出新功能「偵速攝影機提示 (Speed Camera)」及「道路速度限制提示 (Local Speed Limit)」，日後駕駛者只要用App就可以知道地圖上所標示嘅偵速攝影機位置，同時亦都知道路面車速限制。當然我哋唔鼓勵超速駕駛，保持良好駕駛態度都非常重要，Google Maps只係輔助！

另外，好消息係Google Maps推出「偵速攝影機提示」及「道路速度限制提示」功能，但壞消息係香港未有份！目前新功能暫時支援美國、英國、澳洲、俄羅斯、巴西、墨西哥、加拿大、印度及印尼等地區，香港、台灣、日本等地就仲未有，不過相信其他地區會逐步開放。

來源：Engadget