由ETH Zurich university(瑞士蘇黎世聯邦理工大學)嘅機械人系統實驗室所開發嘅狗型機械人ANYmal，最近學識咗防跌外，仲能夠喺反肚下企返起身！研究人員通過自行開發嘅仿真平台，模擬2000多個動作並傳送至ANYmal，令佢可以保持平衡狀態。

ANYmal係一隻重約30公斤四足狗形機械人，主要用於石油及天然氣基地等工業檢查，而佢配備咗多個活動部件、傳感器、觸點及攝像鏡頭，可以同時傳遞大量訊息。同時ANYmal嘅外型與Boston Dynamics及MIT所開發嘅四足動物機械人都相似，而我哋亦曾經介紹過。

ANYmal嘅研究人員指出，佢哋利用電腦模擬數據訓練ANYmal嘅複雜行為，例如走路、跑步及從跌倒中翻身，而當中透過自行開發嘅仿真平台，一性次模擬2000多個動作，然後將積累數據傳輸至機械人。而呢啲數據傳輸可以幫助ANYmal用更少能量，行走速度快25%，並可以協助困於森林及山區中嘅人進行救援，搬運東西爬上樓梯，及檢查非結構性地下隧道。

來源：ScienceVio