要離遠偷聽人講嘢，除非你裝咗偷聽器，又或者你識得讀唇，但呢兩種方法似乎都唔係最好。近日嚟自美國麻省理工學院(MIT)研究人員咗一項新技術，能夠利用激光技術激發水分子將聲音傳到特定對象嘅耳中，同時技術亦可以將數米外嘅悄悄話接收，令特定對象聽到悄悄話。

MIT嘅Lincoln Laboratory研究人員早前研究出一項特殊新技術，就係利用超級隱秘嘅激光將聲音傳送到遠處某人嘅耳中。MIT物理學家、項目團隊負責人Charles M. Wynn表示，有人擔心技術借助激光傳遞信息會對身體造成傷害，但佢指出系統係世界上首個完全對皮膚及眼睛無害嘅激光系統。

Wynn續指，激光技術能夠喺相對乾燥嘅條件下使用，因為空氣中總會有水分存在，尤其是人體周圍。而技術已經喺MIT測試中達到60分貝嘅聲音傳遞，呢種強度嘅聲音喺人們正常交談中相隔數米都可以聽到。研究人員技術未來唔單止可以增加聲音強度，仲可以增加傳遞距離，所以更遠距離嘅悄悄話都可以聽到。

來源：newelectronics