Tesla上海Gigafactory (超級工廠)生產線最快年底投入生產喇！據早前北京兩會傳出消息指，Tesla於上海嘅Gigafactory預計於今年5月完成總裝車間建設，年底部分生產線可以正式投產。不過Tesla進軍中國之並非一帆風順，早前嘅跳樓式減價喺中國引起大批Tesla車主不滿，更出現專門店外拉橫額示威嘅情況，而日前亦有1600架Tesla電動車因標籤不符規定遭上海海關扣查，究竟今次Tesla進軍中國係咪一場豪賭呢？

日前上海市政府副秘書長、市經信委主任陳鳴波透露指，Tesla喺上海投資興建嘅Gigafactory預計今年5月完成總裝車間建設，年底部分生產線可以正式投產。佢表示，Tesla係有史以來外資於上海最大筆嘅製造業投資，喺2018年由簽約、拎地，去到開工都只係用咗半年時間，充分體現出上海嘅速度。

Tesla於上海嘅Gigafactory第一期開工典禮喺今年1月7日展開咗，當時Tesla創辦人兼CEO Elon Musk喺Twitter上發文指，Tesla上海Gigafactory第一期將於今年夏季完工，年底開始量產Model 3車型，同時明年量產會提升，而海工廠內生產嘅車輛將只會喺中國銷售，而而Model X、Model S及高端Model 3與Model Y依然會喺美國生產，再出口至中國。

來源：Sina