Marshall推出嘅頭載式耳機系列Major及無線耳機Minor，素來以外型搶眼而且音質出色而聞名。近日Marshall就宣佈同時更新兩個系列，分別推出最新Major V及Minor IV新耳機。最快5月初就可以買到。

外觀上，Major V及Minor VI與前代分別不大，主要更新均來自硬件提升。例如Major V嘅佩戴舒適度提升，而且續航力亦由上代嘅最長80小時，提升到最長100小時同時支援無線充電。另外亦有可自訂功能嘅「M 按鈕」，可用於啟用 Spotify Tap、切換均衡器和語音助手等功能。

Minor IV同樣於續航力上有所提升。耳機本體嘅續航力由上代5小時增至7小時，結合充電盒內電池嘅最長續篇亦由上代25小時變成30小時。同時重新設計耳機形狀，令耳緊貼耳部，提升聲學表現，全天佩戴舒適。

Major V和Minor IV的建議零售價分別為$1,299 及$1,159, 並於5月7日在連卡佛優先發售，其後5月21日於Street Value授權商戶內正式發售，為你帶來搖滾至上的聽音體驗。

資料來源：Marshall