中國製造「短視頻」社交平台「抖音」嘅大名，大家呢排應該或多或少都聽過，就算冇你都一定聽過「我們一起學貓叫」呢首強制洗腦神曲。而且你唔好以為呢個APP只係中國人玩，就連日本、美國等地都有大量用家，但最近「抖音」就接連惹上官非，星期二更被當地法院下令下架！

要知抖音衰啲咩，首先你要知道抖音上面有啲咩。抖音大部份嘅使用者都係00後，即係普遍黎講係十令歲，亦換言之有好大部份抖音使用者都係未成年，而又偏偏抖音對於用家上載嘅內容監管相當稀疏，於是印度城市清奈嘅一個組織就向當地法院控告抖音「鼓勵戀童及色情內容」，印度法院於是命令抖音下架，已下載者可以繼續使用。抖音母公司「字節跳動」表示會上訴，下一輪聆訊將於4月22日進行。