{ SKIP }
文:MenClub 波特先生  圖:互聯網
POSTED ON 17 Apr 2019

美國波士頓馬拉松係世界六大馬拉松之一,但要跑係就要經過抽籤,而呢個賽事嘅中籤率極低,所以係唔少跑手都非常希望可以參加及完成嘅賽事。不過近日就有國內網友非常唔知醜咁公開表示自己報左名,但結果原來係搵人代跑。

據消息指,該名國內女網友表示:「謝謝大蜜小姐幫我跑了波馬(波士頓馬拉松),雖然遺憾沒去跑,但你們幫我混了獎牌買了美美的裝備和跑鞋,感動不要不要的。6大獎牌就差倫敦了。」睇完佢寫嘅說話,真係好令人感動,佢嘅朋友實在唔話得,無左佢真係拎唔到塊完賽獎牌。而以上呢位「代跑」選手嘅號碼牌為「11204」,完成時間為5小時41分28秒,真係犀利!

據知今次波士頓馬拉松,中國大陸及港澳台地區一共有951名選手參賽,而成功跑畢賽事嘅則有842人,完成比例相當唔錯。

而其實早喺波馬舉行前一個月,就有傳聞指大會發現多達90多名內地選手參賽資格造假,但最終有否進一步行動則未有公開。

其實內地造假情況不斷,如今連為左跑馬拉松都要造假,甚至唔係真係自己跑,而搵人代跑為自己嘅賽跑履歷造假,仲要不知廉恥,實在係令人難以理解。

繼《超級瑪利歐兄弟大電影》大獲成功及《薩爾達傳說》真人版電影計劃公開後,任天堂並無打算停低腳步,正準備將更多經典角色搬上大銀幕! 據外媒《IGN》報導,任天堂同環球影業最近為一部名為《Untitled Do ...
hobby
【影視】大金剛有望登陸大銀幕擔正主角?任天堂與環球影業註冊《Donkey Kong》電影項目
15 Jul 2025
《龍珠》嘅歷史悠久,代表相關嘅衍生作品,例如遊戲亦非常多。如果你一個Fans,或者會覺得要同時追N隻Game有啲麻煩,但有好多隻Game就同時亦代表有好多「週年紀念」及相關官方活動。好似近日《龍珠》嘅官方X繼今年2 ...
hobby
【動漫】龍珠手遊7週年 官方X抽悟空及菲利衣裝
15 Jul 2025