{ SKIP }
文:MenClub 路易斯  圖:互聯網
POSTED ON 08 May 2019

Google I/O 2019開發者大會噚晚於美國山景城The Shoreline Amphitheatre 舉行,適逢今年有唔少採用Android 作業系統嘅手機廠都推出摺Mon手機(雖然三星出閘脫腳),所以今次Google 發布嘅Android10代作業系統「Android Q」都支援原生摺mon介面,包括設計全新嘅 全新使用方式、習慣等,另外仲支援5G、即時生成字幕Live Caption、智能訊息回覆Smart Reply、原生Dark Mode等。

支援原生摺Mon介面、5G網絡

今次「Android Q」發布配合咗今年智能手機「摺mon」及「5G」嘅大潮流,因為「Android Q」將會成為首個支援5G手機嘅作業系統,能夠加強5G網絡連線速度。而今年都有三星及華為兩大手機廠商推出摺Mon手機Galaxy Fold Huawei Mate X,「Android Q」針對摺Mon介面進行改善,令用家喺原生Android 系統中能夠快切快換不同螢幕。

Google 嘅示範中,使用「Android Q」打機時,打開或摺埋手機都可以繼續進行遊戲,顯示出系統對摺Mon機嘅切換螢幕連續性表現得非常順暢,同時用家Multi-task 嘅體驗都可以更上一層樓。

Machine Learning即時生成字幕

唔少人期待咗好耐嘅即時字幕功能都出現於「Android Q」上,當用家使用手機睇影片時按下音量鍵,就會見到影片底部位置設有「即時字幕」按鈕,啟動呢個功能後系統嘅Machine Learning 會將影片嘅語音內容會即時化為字幕,大家將來聽唔明條片都無有怕,仲可以方便聽障人士睇片添。

不過更神奇嘅係,呢個即時字幕功能竟然毋須連接互聯網,即係於離線狀態下用家都可以透過「Android Q」為影片即時生成字幕,而呢個即時字幕功能只佔80MB儲存空間,真係求其一隻手機遊戲App 都大過佢。

Smart Reply分析訊息內容提供建議回覆  

Android Q」嘅Machine Learning 除咗可以協助即時生成字幕外,仲支援Smart Reply 智慧回覆功能!呢個功能可以快速地將用家手機所接收嘅訊息內容分析,並向用家提供建議回覆(其實聽落都恐怖),例如有人Send 訊息問你喺個地點約會,系統就會彈出「開啟地圖」畀用家查看地點位置。

唔少人聽到「Android Q」會分析用家手機訊息內容都會擔心私隱問題,不過Smart Reply 智慧回覆功能係透唔會將用家手機內容傳送至Google 伺服器,而係透過Machine Learning 不斷反覆學習,為用家提供更好嘅回覆建議。

一鍵輕鬆設換Dark Mode

相信唔少Android 用家都好期待Dark Mode(黑暗模式),今次「Android Q」提供原生嘅Dark Mode 介面設計,並推出官方API 令開發者可以更容易設計Dark ModeApps,而用家亦都可以喺設定嘅Display 中一鍵快速切換至Dark Mode,咁Android 用家們就唔洗再靠第三方平台使用Dark Mode喇!而且喺黑暗環境中使用,光線會無咁傷害用家眼睛,OLED 螢幕手機都可以更慳電。

此外,Google 早喺今年3月中推出首個「Android QBeta 版本,而喺Google I/O 就正式公布展開公測, 當中有13個品牌共21款手機可以試用,其中有Google PixelSonyNokiaASUS、小米、華為、OppoLG等。

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024