{ SKIP }
文:MenClub 路易斯  圖:互聯網
POSTED ON 07 Jun 2019

日前 Amazon 喺美國拉斯維加斯舉行嘅 Re:MARS 大會中,發布咗新一代自動送貨無人機「Prime Air」,同時宣布未來幾個月將推出無人機送貨服務。「Prime Air」外型呈六角形,由6塊防護板組成,飛行距離達到24公里,能夠於30分鐘將貨物送到客人手上。

新一代自動送貨無人機「Prime Air」配備咗熱成像儀、深度照相機及探測感測器,能夠透過無人機內置嘅 Machine Learning 軟件演算法,可以偵測無人機飛行時周遭嘅高空狀況,及無人機降落時下方路人嘅站立位置。

規格方面,「Prime Air」外圍由6塊防護板組成,以保護機翼唔會被其他物體打中,而且呢個機翼設計能夠令無人機以直線升空、水平於空中飛翔,類似一架小型螺旋槳飛機。呢部機最遠飛行距離約為24公里,最高載重為2.3公斤,大約80%貨物重量都包括在內。

Amazon 全球消費者業務 CEO Jeff Wilke 指出,只要「Prime Air」無人機能夠安全運送貨物,客人自然會接受無人機服務。此外,「Prime Air」無人機已經獲得 U.S. Federal Aviation Administration (FAA) 許可進行試飛,但 FAA 仍然擬定緊無人機送貨相關法例,所以「Prime Air」需要等待立法後先可以進行送貨服務。

來源:The Verge

自Blue Origin及Virgin Galactic於過去兩年分別成功載人上太空後,「商業太空旅行」就由小說情節,成為現實中可行嘅體驗不過,當然係只限有錢人體驗啦。而睇黎有錢人已經唔滿足於「飛上去望下個地球就落返黎」,而係 ...
tech
【太空】真 ‧ 離地餐廳 400萬上太空 望住地球食米芝蓮
28 Mar 2024
若然消息屬實,iPhone 16 Pro機身側邊將加入一個全新按鍵「Capture button」,大小與電源鍵差唔多,能方便用戶拍攝及錄影。
tech
【科技】疑似iPhone 16 Pro保護殼曝光!機身側邊加入全新「拍攝」按鍵?
27 Mar 2024