太空旅遊要嚟喇！上周五 NASA (美國太空總署)宣布將於2020年開放商業太空旅遊，允許私人企業安排「太空旅行團」前往國際太空站。不過太空旅遊都唔係個個能夠負擔，旅客可能需要畀近6000萬美元旅費。

去年9月由 Elon Musk 創立嘅太空科技公司 SpaceX 就公布咗首位月球觀光客身份，並將聯同6至8位藝術家一同喺2023年展開繞月旅程。不過 NASA 似乎要「遲嚟先上岸」，最快喺明年開放國際太空站作商業用途，屆時私人企業可以送自己太空人上國際太空站，喺一個月的時間內，進行旅遊、拍攝廣告或製造產品等商業活動。

NASA 財務總監 Jeff DeWit 指出，一年只限收取2位旅客，而每位旅客都要通過健康檢查及訓練先可以參與太空旅遊。不過除咗健康外，財力都好重要，因為太空船來回船飛收費高達5,800萬美元，即約港幣4.54 億；再加上每人每晚要收取約3.5萬美元，即約港幣27萬，當中包括住宿﹑飲食﹑空氣等費用。

來源：NASA