科技大亨 Elon Musk 旗下嘅隧道挖掘公司 The Boring Company，一直致於美國洛杉磯、芝加哥等城市興建地下隧道，以解決大城市交通擠塞問題。據《Bloomberg》報道指出，近日 Boring Co. 有一筆$1.2億美元資金注入公司，而其中一位注資金主就係風險投資家 Steve Jurvetson，佢同時亦係 Tesla 及 SpaceX 董事會成員，相信呢筆資金能夠協助 Boring Co. 實踐改善大眾運輸嘅目標。

Boring Co. 創辦人 Elon Musk 本來想要興建一條30公里長嘅地下隧道，由芝加哥市中心至 O’Hare International Airport，但由於芝加哥新上任市長對項計劃唔太喜歡，所以實踐興建過程充困困重重。Elon Musk 為咗盡快說服大眾地下隧道嘅可行性、安全性，要先於洛杉磯興建一條地下高速隧道；另外，最近佢哋仲用咗500頁文件公布新計劃， 係一條由華盛頓 D.C. 至 Baltimore 嘅高速地下隧道。

其實去年 Boring Co. 都有一筆$1.3億美元資金注入，不過90%都係由 Elon Musk 自己出錢支持公司，而過去 Boring Co. 亦曾出售帽子及火焰噴射器以籌集資金，所以今次 Boring Co. 獲得注資 ，就可以繼續實踐興建地下隧道，以改善大眾運輸。

來源：Carscoops