由 Tesla 創辦人 Elon Musk 所推動嘅「超級高鐵」(Hyperloop) 概念雖然仍然停留於概念階段，但全球唔少地方一直有計劃或者正在興建 Hyperloop。而近日於印度由孟買至浦那之間嘅一段93英里 Hyperloop 工程由啟動咗招標程序，維珍 Hyperloop One 好大機會於競標中勝出。

最近位於印度中部嘅 Maharashtra (馬哈拉施特拉邦) 議員，將 Hyperloop 定義為「公共基礎設施項目」，代表「超級高鐵」已當地政府視為與橋樑、公路及鐵路等，任何其他公共基礎設施項目一樣，獲得政府認可。

而 Maharashtra 政府仲啟動招標程序，將首府孟買連接浦那嘅一段93英里長 Hyperloop 超級高鐵，於8月中旬接受相關公司競標。消息指出，競標領先者好可能係維珍 Hyperloop One，因為 Hyperloop One 係支持當地建設超級高鐵嘅最大支持者及財團，亦係印度 Hyperloop 初始倡議者。

維珍 Hyperloop One 嘅一位高層向外國科技網站《TechCrunch》透露指，希望印度政府可以喺2019年底前授予合同，若成功獲得合同後，第一階段項目(即11.8公里路段)將於2020年開始建造。目前，每年約有7500萬人於浦那與孟買之間穿梭，Hyperloop One 預期其超級高鐵每日能運送1.6 萬名乘客，或每年約2億人。

來源：TechCrunch