如果你部 iPhone 有用副廠電就要小心喇！因為據外國維修廠商 iFixit 發現指出，Apple 喺最已經啟動咗 iOS 系統中嘅「Dormant Software Lock (休眠軟體鎖)」，當系統偵測到你部 iPhone 使用非原廠電池，就會出現警告訊息，系統仲會自動關閉 iPhone 嘅電池健康檢測功能。唯有希望 Apple 換電唔好經常加價！

iFixit 指出，即使用家所更換嘅係 Apple 原廠電池，但只要唔係於 Apple Store 或者 Apple 授權經銷商更換，iPhone 仍然會顯示「服務警告」，而警告會喺 iOS 12 及 iOS 13 Beta 中顯示，令 iPhone 無法提供電池健康檢測訊息。所以要解決呢個問題嘅唯一方法，就係去 Apple Store 或者 Apple 授權經銷商更換電池，不過民間高手雲集，話唔定深水埗、旺角會有「專家」解決問題！

其實 Apple 除咗唔少賺少啲錢外，有今次嘅電池措施相信係與唔少用家於更換非原廠電池，或者係於 Apple Store 或者 Apple 授權經銷商以外換電，事後出現電池發生膨脹問題。措施實施後，若出現電池維修問題就唔洗口同鼻拗。

來源：iFixit