2020東京奧運及殘疾人奧運會仲有一年唔夠就會正式舉行，而大會亦開始投入更多嘅宣傳功夫，其中製作海報將會係重要嘅一環，而日前有關海報設計嘅參興者名單亦正式公佈！

今次有份參與奧運海報設計嘅人士多達19人，其中包括多位漫畫家、畫家、設計師、書法家、美術家及攝影師。

而當中最受人認識嘅，相信就係兩位漫畫家荒木飛呂彥及浦沢直樹，其中前者為《JOJO的奇妙冒險》嘅作者，而後者則係曾被拍攝為真人電影嘅《20世紀少年》作者。

唔知兩位漫畫家最後會唔會將自己嘅漫畫風帶入今次嘅東京奧運文宣入面呢？一班好似JOJO嘅運動員都幾正！

奧運會作品的創作者：

浦沢直樹（漫畫家）、大竹伸朗（畫家）、大原大次郎（平面設計師）、金澤翔子（書法家）、鴻池朋子（藝術家）、佐藤卓（平面設計師）、野老朝雄（藝術家）、Honma Takashi（攝影師）、Theseus Chan（藝術總監）、Vivian Sassen（攝影師）、Philippe Weisbecker（藝術家）

殘奧會作品的創作者：

荒木飛呂彦（漫畫家）、柿沼康二（書法家）、GOO CHOKI PAR（平面設計師）、新木友行（藝術家）、野老朝雄（藝術家）、蜷川実花（攝影師兼電影導演）、森千裕（藝術家）、山口晃（畫家）