{ SKIP }
文:MenClub 路易斯  圖:互聯網
POSTED ON 09 Aug 2019

咩話?一副眼鏡就破解咗 iPhone Face ID?日前於美國 Las Vegas 舉辦嘅全球黑客嘅年度盛會 Black Hat USA conference (黑帽大會) 上,有研究人員一副貼上黑色膠帶眼鏡,及於膠帶上畫上白色點模擬人類眼球,成功解鎖 iPhone Face ID。以往配備 Face ID iPhone 都需要使用者睜開眼情況下先可以解鎖,萬一有人被黑社會扣留期間,以上述眼鏡解鎖咪好危險!所以大家做人又好,發夢又好,面臨危險前最好就閂咗 Face IDTouch ID 呢啲生物解鎖喇!

iPhone Face ID 一向被稱為目前最安全嘅生物辨識系統之一,不過日前有研究人員於黑帽大會上以眼鏡輕鬆破解。研究人員以一副特別製造嘅眼鏡,鏡片上貼咗黑色膠帶,再於膠帶中間再畫上白點模擬人類眼球,就可以破解 Face ID

研究人員指出,Face ID 等生物識別技術背後有一項名為「活體檢測」嘅功能,呢種功能用於辨別「真實」或「虛擬」人體特徵,但研究人員發現 Face ID 嘅「活體檢測」喺戴上眼鏡後唔會由眼框區域讀取 3D 資料。

由於 Face ID 係允許用戶戴眼鏡解鎖,根據上述解釋戴眼鏡解鎖就唔會啟動「活體檢測」功能,所以正在睡覺或失去知覺嘅用家,戴上咗特製眼鏡理論上係有可能解鎖配備 Face ID iPhone。而為咗封堵呢個漏洞,研究人員建議生物辨識製造商應該為 Face ID 等臉部辨識裝置增加更多身份認證,例如增加影像及聲音合成檢測元素。

來源:9to5mac

喺機場見到一架有如白鯨一樣嘅飛機,你嘅女伴就一定會問你:「架機去邊架?點解咁得意嘅?我哋可唔可以又坐呀?」你想知點答佢呢?
tech
空中巴士「超級大白鯨」貨機正式營運
17 Jan 2020
【顏色革命】 美國JBL推出繽紛平價TUNE 220TWS True Wireless耳機 近年True Wireless耳機盛行,幾乎人人 都有一對無線耳機,不過大多數人的耳機唔係白色就係黑色, 係黑白之間其實仲有好多其他色彩, 美國JBL 就 ...
tech
【顏色革命】 美國JBL推出繽紛平價TUNE 220TWS True Wireless耳機
17 Jan 2020