{ SKIP }
文:MenClub 波特先生  圖:互聯網
POSTED ON 02 Sep 2019

日前,世界人工智能大會喺上海舉行,其中一大焦點為阿里爸爸主席馬雲與Tesla創辦人Elon Musk進行一次現場對話,雙方大談人工智能未來嘅走向。

作為世界AI嘅領先者之二,兩位巨頭對於AI嘅取態非常不同,從二人嘅對話可以聽得出馬雲大大係對於AI非常樂觀的,但Musk則完全相反,對於AI未來發展明顯謹慎得多,並直言AI技術嘅演變速度可以話已經遠高於我地理解佢嘅能力。

樂觀嘅馬雲表示,未來AI將可以開發出更多工種,成就更多工作機會,同時可以節省工作時間,人們可以放更多時間於創新中。

不過Musk更認為,AI將令更多職位變得毫無義意,更多人會失業,剩低嘅可能只有程式編寫員,甚至未來嘅AI可能可以為自己編寫程式。又或者,未來人類需要與AI連接大腦,然後跟住AI走,呢個情況就好似電影《22世紀殺人網絡》非常相似。

另外,Musk又提到由於AI運算速度比人類快極多,所以未來AI與人類溝通嘅話,可能就好似同一件死物溝通,因為人類嘅運算速度難以追得上AI,最終會導致AI放棄與人類溝通。

而馬雲又向好個方面諗,佢認為電腦就係電腦,電腦只係玩具,電腦嘅智慧只係來源於人心,所以則使電腦聰明,但人類比電腦更聰明。對於馬雲呢個諗法,Musk並不同意,因為佢認為AI未來好大機會可以模擬任何人類,並且會以幾何級數進化。

一定要保護好自己呀!
tech
【高級Gear】單車頭盔前後有Cam,發生意外自動通知家人!
12 Sep 2019
大家覺得吸唔吸引呢?
tech
【萬眾期待】Apple秋季發佈會,iPhone11系列正式登場!
11 Sep 2019