國際象棋可能唔係好多人識玩，但係大家都應該知道係兩個人嘅對戰棋局。過去兩個人坐埋一齊用實體棋盤捉棋，其後發展至可以用手機或電腦上網對戰，但原來咁樣都未滿足到一眾棋友，最終2016年Infivention推出了智能磁性國際象棋棋盤Square Off，等一眾玩家坐喺屋企但又可以上網連線以實體棋進行遠程對戰。

Square Off外型與普通國際象棋接近，但卻內含高科技技術，因為棋盤以磁力及底盤機械與網絡連線從而可以遠距離控制棋子嘅移動，咁樣玩家就可以即使只有一個人，但卻可以上網與其他玩家即時連線對決，又或與棋盤內置AI對決亦可。

黎到2019年，Square Off進行了升級，新版本命名為Neo，其中內置AI難度由過去嘅20個增加至30個，而運行速度亦比過去版本增加了1.5倍。

而除左國際象棋之外，Infivention今年推出可以玩跳棋、西洋跳棋、四子棋及哈爾馬棋嘅Swap版本，其棋盤面積要比Neo更大，以便有足夠位置擺放棋子。

以上兩款新棋盤目前正處於眾款開發階段，預計2020年6月將會正式面世發售。