Apple公司繼AirPods Pro之後再有新產品公佈，佢就係手提電腦系列中嘅16吋MacBook Pro啦。今次呢部MacBook Pro無論喺設計同備置上都有唔少改變，其中除左屏幕增加之外，備置上亦有唔少改善及提升。

首先，新嘅MacBook Pro Retina屏幕呎吋增大至16吋，顯示像數亦增加至3072x1920，係Apple公司近年屏幕最大嘅手提電腦。不過由於屏幕大左，MacBook Pro嘅重量亦都有所增加，由13吋嘅3.02磅增加至4.3磅。

另外，鍵盤亦都係今次MacBook Pro有較大變化嘅一Part，其中過去兩年經常出現問題嘅蝶式鍵盤，將改回較舊式嘅剪刀式鍵盤，不過鍵程卻增加至1毫米，而好處係可以增加打字時嘅手感。另外，Esc鍵將會徇眾要求變回實體鍵，而方向鍵亦會以較常見嘅倒T型現身。

而配置方面，今次16吋MacBook Pro嘅處理器將可以選擇2.6GHz 6核心/i7或2.3GHz 8核心/i9或2.4GHz 8核心/i9，效能會高出只有4核心嘅13吋MacBook Pro高達2.1倍。另外，記憶體方面新MacBook Pro將可配上16GB/32GB/64GB ram，相較上一代最高則只可以配上16GB ram速度上嘅優勢更加明顯，特別於剪片或處理3D圖嘅時候。

儲存空間方面，上一代嘅MacBook Pro最多可以選上2TB嘅SSD，但今次可以再增加至4TB或8TB嘅SSD，其中8TB嘅容量係史上第一次用於手提電腦內，可以令用家盡量減少使用外置Hard disk，變相更加方便。

當然全新嘅MacBook Pro仲有好多功能特點等緊你去發掘，而想擁有嘅朋友可以留意番配備 i7處理器、512GB SSD基本型號售價為$18,999，如果配上i9處理器及1TB SSD，價錢則為$21,999，預計11月23日起將會陸逐到貨。