{ SKIP }
文:MenClub 摯樂  圖:互聯網
POSTED ON 28 Nov 2019
【我們都是乳牛】從養牛的VR眼鏡到未來期待蘋果推出的AR / VR眼鏡裝置

近日俄羅斯乳牛被戴VR眼鏡提高牛奶產量的新聞炒得熱哄哄,大家好奇VR(Virtual reality)甚至AR(Augmented Reality)到底係咪可以實際應用改變人類的生活?暫時的答案可能是否定,現時AR / VR體驗無論你係玩PokémonGo定還是座定定睇成人VR大電影主要都係娛樂作為主要目的,要讓AR / VR體驗成為主流體驗甚至實際影響我地的生活,可能就要靠蘋果出手,網傳蘋果計畫在 2021 年或 2022 年推出一款能結合 AR、VR 功能的頭戴式顯示裝置(內部代號 N301)功能上結合了娛樂與辦公功能,可以用來看影片、玩遊戲同埋用於教學領域,這個頭戴式顯示裝置可能會被用作學生的虛擬課堂工具,甚至網傳呢個裝置可取代Iphone,成為蘋果新世代的突破,睇來要普及AR / VR就要靠蘋果的第一砲。

近日網上炒得熱哄哄的俄羅斯乳牛農業同荷蘭瓦赫寧恩大學(Wageningen University & Research)合作開發專為乳牛而設的VR(Virtual reality)裝置,農夫讓乳牛戴上改裝過VR眼鏡,透過虛擬實境技術展示夏季的田野畫面。乳牛的焦慮得到緩解,「牛群的整體情緒」有所提升進而改善乳牛的產奶質量。呢種《廿二世紀殺人網絡》(The Matrix)式的養牛法雖然聽落非常可怕,但可以說係人類對於VR(Virtual reality)最新最實際的應用大法。如果乳牛成功到,將來人類都可能用呢種方法健健康康咁樣圈養,邊個國家可能最新應用到呢種The Matrix大法就唔敢講啦!其實中國人早於幾百年前就已經識得應用AR(Augmented Reality)技術,係驢仔頭上掛上眼前的蘿蔔裝置, 增強驢仔鬥心同埋動力, 提高石磨產量。

作為人類除咗為動物爭取權益反對喺乳牛身上應用vr眼鏡之外,人類最關注的都係AR/VR技術如何應用喺人嘅身上改變世界,綜合外電報導最有可能帶來影響嘅係美國蘋果公司 直將可能推出嘅最新產品。據彭博報道,蘋果iPhone及iPad的工程團隊正着手把重要的應用程式和軟件功能,加入到內部稱為rOS的新系統中。這班工程團隊多達1000人,當中除有人曾効力美國太空總署(NASA),亦有不少人做過遊戲開發,屬於圖像領域的專家。據稱蘋果有一款新產品頭盔代號為N301,相信同微軟的HoloLens AR眼鏡相類似,將配備攝像鏡頭識別用戶周圍環境,以繪製其虛擬空間。頭盔在AR模式下,眼罩部分將透明顯示,方便虛實結合;若是VR模式,眼前畫面將調暗,甚至變得不透明。

近年蘋果iPhone智能手機被外界批評欠缺新意,要改變創新推陳出新好可能就要靠全新嘅AR/VR眼鏡。 據說蘋果對呢款新產品寄望甚高甚至聲稱可能將取代iphone。一但AR及VR設備面世,結合3D掃描、人體檢測等功能,將為蘋果的穿戴式業務如現有的Apple Watch、AirPod以及Beats耳機等,打下一支吸金強心針。 期待嘅又豈只係蘋果用家,全球都等緊你推出普及AR/VR技術的應用。


Ar同VR嘅技術大爆發將會係2020年以後最令人期待嘅科技改革,正如AV帝王《全裸監督》村西透所言,色情才是改變世界的最大動力,你想成為一隻乳牛還是生活在很多很多「乳牛」的虛擬世界當中?就要等蘋果解鎖暗黑功能................



我以前成日都唔明,點解啲Hello Kitty迷見到任何嘢印咗Hello Kitty個樣,哪怕嗰件嘢根本用唔著都會畀錢買,但近排睇到啲EVA聯乘嘅產品,例如呢Set同Schick聯乘嘅剃鬚刀…我明,我開始明啦。 ...
tech
除毛計劃啟動 EVA x Schick 剃鬚刀
26 May 2020
喺修復更新推出前,中國版冇得用,但國際版繼續有得用
tech
One Plus中國版停「透視濾鏡」國際版繼續有得用
21 May 2020