較早前同大家介紹過嘅Samsung全新摺機Galaxy Fold，雖然可以話幾有新鮮感，但實際應用卻令唔少人感到失望，特別係摺埋後機身過厚，就好似兩部手機疊埋一齊，同時價值過高亦令人卻步。不過，當你以為大家都唔想試呢部機嘅時候，Samsung就宣佈Galaxy Fold成功賣出100萬部！

100萬部對於一個季度可以賣幾千萬部手機嘅Samsung黎講可能不值一提，但其實睇番條數都絕對唔野少，皆因Galaxy Fold定價達到15000港元，亦即係話100萬部令Samsung成功錄得150億元收入。如果換算成2000蚊手機黎計，條數其實等於佢賣出750萬部，所以絕對唔係一個小數目。

Samsung總裁Young Sohn表示，其實佢地之前預計Galaxy Fold嘅銷量約為50萬部，如今銷量足足翻了一倍，令Sohn確信原來有咁多人願意花15000蚊購入呢款手機。

其實Galaxy Fold早於今年年初已經發佈，但推出一段時間後發現手機出現多種問題，其中包括屏幕爆裂，因此Samsung決定隨即對Galaxy Fold重新設計。如今再次推出嘅Galaxy Fold耐用度大增，因此重新獲回用家信心。

而Galaxy Fold銷量遠超預期，令Samsung信心大增，並將2020年Fold嘅銷量預期定為600萬部，唔知最後係咪真係咁多人會試呢？