大家嘅手機上一定有裝唔同嘅APPs，可能一早睇下新聞、出門口睇下路面情況、上車又聽下歌睇下戲打下機，當中有唔少APP都係要畀月費或者課金，咁你又知唔知過去十年最吸金嘅APP係邊十個？

外國網站App Annie's根據iOS及Google Play嘅數據，發現過去十年內，以用戶花費黎計，排第一同第二名嘅分別由Netflix與Tinder佔據，除咗證明「Netflix & Chill」可以係一門極大嘅生意，亦反映出佢哋嘅商業模式運行有效。值得一提嘅係Tinder由2015年先開放收費功能， 換言之佢用咗五年時間就排到第二，吸金能力相當驚人。

排行榜前十名亦有好多大家熟悉嘅APP，例如集電台與音樂串流於一身的Pandora Music、Spotify、Youtube、HBO Now同Line等。更有三個主要針對中國市場嘅APP上榜，包括騰訊視頻、愛奇藝及快手，全部都係所謂嘅「視頻平台」，某程度亦反映中國人民嘅文化口味。