美國CES展覽每年都展示強大的科技和觸目新產品，香港人家居最愛品牌之一日本樂聲今年發表左一個非常有趣的小產品世界第一款超高清VR眼镜，可能帶領沉寂無起色的VR眼鏡重新成為主流。VR概念係今時今日已經算落伍，但谷唔起可能因為軟硬件未能配合，正如藍芽耳機都係多年前產物，近幾年卻藉傳輸速度進化改變世界，樂聲一向務實，今回趁5G轉訊的變革重新設計改寫一下VR眼鏡的未來，支援5G和HDR顯示就咁睇又幾輕巧有型 。

VR眼鏡係2020年一定唔係咩嶄新科技，但日本人做事唔會衝住出嚟總係有備而來，樂聲牌介紹中表示鑑於現時VR頭戴式顯示器體型龐大而且相當笨重唔適合長期配戴，妨礙VR成為主流設備，因此佢哋有意開發新的VR眼鏡，使其可以用於各種應用中，從而創造新的客戶價值。

今次推出嘅係支援5G以及 HDR顯示 世界第一款超高清VR眼鏡，樂聲將解像度評為超高清(UHD)一般的理解通常表達為 3840 × 2160，不過暫時未有完整公佈，也唔清楚呢個解像度為單眼定係雙眼共享。至於HDR則屬於功能， 一般意義係同標準範圍相比可以顯示數碼內容中更廣嘅顏色同埋亮度。

呢款全新VR眼鏡最吸睛嘅相信係佢嘅外表同埋輕巧設計，除左眼睇，VR鏡配有耳機，音頻由樂聲影音上的子公司Technics負責，擁有超低音再生的精確耳機。 可以配合眼鏡讓用家感受沉浸式觀影體驗。

暫時樂聲並冇完全說明呢款產品到底係概念性還是量產型， 亦都冇清楚列明產品適合連接智能手機定係家居電腦 對於支援嘅平台亦都冇清晰交代，所提供嘅相片當中甚至乎冇接入電線插位，相信好大程度上產品為無線操作。

不過相信呢個產品嘅設計外型同埋產品概念喺網絡上都得到好大迴響， 好多人都會密切關注樂聲vr眼鏡繼後發展，都係一句老生常談，好多時影視新產品的大成功過去係源自成人影視的推動，樂聲更全面精彩每一天，相信都需要老司機推動一下。