{ SKIP }
文:MenClub 摯樂  圖:互聯網
POSTED ON 09 Jan 2020
【影帝加盟Marvel】Christian Bale即將加盟雷神奇俠4 MCU集郵又多個巨星

Christian Bale係我最拜服的演員,佢唔止好戲咁簡單仲可以玩盡自己身驅變肥縮瘦為電影沉浸係每一個角色當中,Marvel又一次成功集郵傳將佢收歸入Marvel MCU當中加入雷神奇俠4劇組,雷神4今年八月開拍,我第一個想法係Christian Bale今回會係用咩野身形去拍攝雷神奇俠4?你又最想基斯頓Bale用咩身形出演雷神奇俠4?之前試過瘦到一副骨感的《迷魂殺陣》排骨仔身形,又有大家最愛的蝙蝠俠batman全盛期大隻好身形,同埋Vice副總統時雙子雷神托爾大肚腩twins身形,當然浩瀚宇宙無奇不有可能被玩野變做Baby yodaor樹人BB異變身形。反正Christian Bale身驅可以為部戲去到最盡。

 

曾經係最受歡迎蝙蝠俠DC英雄飾演者基斯頓比爾(Christian Bale) 近期盛傳加盟Marvel成為《雷神奇俠4》(Thor : Love and Thunder)劇組一員。Marvel MCU又添一員猛將,《雷神奇俠4》得一影帝加盟勢必更顯矚目。 不過暫時未知道Christian Bale一旦加盟安排扮演咩角色,當中最盛傳會係邪惡牛頭人 Dario Agger,如果又爆衫到變形俠醫(The Hulk)咁的身型,唔好話我知靠自己增肥練肌吧!?Christian Bale往績來講我真係會信!呢條友癲癲地!當然除左 Dario Agger一角色,據雷神奇俠原著中仲有個奸角Gorr The God Butcher似乎都係bale可能演出的角色之一。


雷神奇俠4係marvel電影第四階段大作,根據導演 Taika Waititi受訪表示,劇組將會係8月開展拍攝工作,拍攝地點依然係澳洲,當然佢最大期望係八月開始拍攝嘅時候澳洲嘅山火已經平息。Taika Waititi成功將雷神奇俠導向搞笑幽默喜劇式英雄風格,非常成功, 搞笑嘅雷神奇俠喺復仇者聯盟終局之戰當中發揮咗異常重要嘅潤滑角色。Taika Waititi現正有另一部作品 "Jojo Rabbit"《陽光兔仔兵》即將係香港上映。

雷神奇俠4如果跟足Marvel時間表將於2021年11月5日出品,屆時基斯·咸士禾夫(Chris Hemsworth)飾演嘅《雷神》和妮妲莉·寶雯(Natalie Portman)嘅Jane Foster都將重返雷神奇俠的主角,當然仲有Tessa Thompson飾演女武神,同埋Taika Waititi自己飾演Korg。至於Christian Bale唔知做咩角色但肯定任何電影有佢都即將劇味十足好戲連場。

男士們你會接受「整容液」女神嗎?相信作為女友答案肯定,但做老婆就.....問一問你身邊人敢唔敢睇《整容液》動畫?
hobby
【20分鐘變女神】韓國恐怖動畫《整容液》變靚惡魔都市傳說
21 Sep 2020
PS5上星期開始預購,相信唔少人都已經親身體驗過鋪頭排長龍、網站Load唔到諸如此類嘅問題,仲可能一路撳個F5一路鬧「索尼真係罪大滔天!」不過咁,索尼佢都知錯啦,日前於Twitter上公開向玩家們道歉,並承諾未來幾日 ...
hobby
【罪大滔天】Sony為PS5開賣混亂致歉 未來幾日再開預購
21 Sep 2020