iPhone可能係呢個世界上最多人用嘅電話，雖然多人用一定有佢嘅原因，但亦同時代表你部電話其實唔係咁特別。咁假如你係一個追求突出嘅人，但又同時想享受iPhone嘅功能，你又可以點做？答案就係「改裝」iPhone。

Caviar就係一間改裝電話嘅公司，佢哋嘅做法基本上就係拎部電話，拆哂入面啲零件出黎，再砌入一個特製嘅奢華物料殼到，你想個殼係金又得、係皮又得。而最新推出嘅「Cyberphone」，就係以Tesla嘅Cybertruck為藍本，鈦金屬機背有簡潔、銳利的多邊型線條，充滿科技感嘅設計令個三鏡頭睇落都順眼咗好多。正面更有個全覆蓋嘅鈦金屬蓋，充份保護電話之餘，打開之後更可以變成電話座。價錢方面並冇公開，可以參考嘅係其他改裝iPhone起碼都要5000美金咁囉。