Apple公司曾公佈今年將會推出5款全新手機，當中除左iPhone12系列之外，iPhone SE2 (iPhone9)將會係不少追求平價機嘅朋友嘅焦點之一。而本來外界預計SE2應該會於3月推出市面，但如今可能會延期至4月。

iPhone SE系列作為Apple手機最平宜嘅機款，相隔4年後終於有傳會推出繼承機SE2，不過近期由於中國爆發武漢肺炎，令有份生産iPhone零件嘅工廠亦延期開工，導致iPhone SE2嘅生產受到影響，至少會延期一個月先可以推出。

今次iPhone SE2與上一代一樣以大慨3千元抵價發售，但卻配備與iPhone 11系列一樣嘅A13晶片，而外型則根據iPhone 8製造，因此相信會吸引大批用家購買。

其實iPhone SE2唔少人都已經等到頸都長，如今再話延推出實在令人擔心最好要到幾時先會推出了。