{ SKIP }
文:MenClub 波特先生  圖:互聯網
POSTED ON 20 Feb 2020

多謝香港政府「出色」嘅把關,武漢肺炎於本港未有暫緩跡像,每日確診及疑似患者人數仍然不斷上升,恐慌嘅大眾市民則要繼續不斷撲口罩、廁紙、糧食、消毒用品等。當然,有部份人仍然「唔怕」,繼續一齊飯聚,有飯齊齊食,有病齊齊染。

而繼之前有專家教路自製搓手液,其後又有化學大師自製口罩,如今再有一部眾籌機疑似可以自製消毒水,但究竟係咪可行就仲係未知之數。

呢部疑似自製消毒水機,先此聲明係黎自小米有品眾籌,成效仍然未能確定,不過其原理仍然值得參考,一些化學達人不妨提出意見,睇下是否真的可行。

自製消毒水機需要嘅原材料簡單,只需要家用食鹽及水3分鐘就可以製作出消毒水,官方聲稱可以有效消滅新冠狀病毒,並對衣物、空間、家居、嬰兒用品殺菌率高達99.9%,可信程度有幾高就大家自己諗啦。

講番部機嘅原理,首先食鹽(NaCl)水被電解,陽極上嘅氯離子被氧化,生成氯氣(Cl2),然後加水就會出現化學反應形成次氯酸(HClO),而次氯酸就具有消毒功效,同時不含刺激人體成份。

利用機器製作出嘅消毒水就可以噴在外出著嘅衣服、鞋、手袋、背囊等等,以達致消毒功效。其實市面上都有類似嘅消毒水製造機,但價錢就接近千元,而小米有品眾籌呢部就只需要$335,所以如有興趣又大膽嘅朋友就不妨一試。

一人出一份力啦!
tech
【武漢肺炎】Dyson設計全新呼吸機助武肺患者,並全球捐出5000部 ... ...
27 Mar 2020
全力生產口罩!
tech
【日產15萬個】日本電機企業SHARP加入生產口罩!
26 Mar 2020