彎多round　LG G Flex 2

文：MenClub Patrick　　圖：MenClub
POSTED ON 12 Feb 2015


2013年年尾，LG推出首部「彎機」G Flex，就算廠方提出多個這設計的優點，但不少人仲係認為佢係為整而整。不過，隨住呢一年幾以來，手機被坐彎、甚至坐爆的消息一單接一單傳出，令人開始相信呢種設計係有實際作用的，至少我係咁樣諗！再加上經過LG G3等機獲得好評過後，LG似乎再度受到用家重視，買新機會先優先考慮這牌子，所以今次LG玩多round，推出第二代彎機G Flex 2，坊間對它的態度好似變得更正面。當然，還有另一重要因素令人較為接受它，就係它的定價係$5,698！仲係唔算平嘛，我知呀，但各位記不記得第一代G Flex的開賣價係幾多呀？係$6,698呀，係咪即刻覺得LG有進步呢？

改良弧度兼修身循例都先講講廠方指出的弧形手機優點，就係更加符合人體工學（G Flex 2的半徑曲線弧度達到650mm），好揸手啲，講電話時亦會更貼面，聽得更加清楚。另外，弧形的手機屏幕都會好似近年興起的弧形電視，能提供更好的觀賞角度，不過手機咁細部，我個人幾懷疑用家能否感受到這個好處。講番G Flex 2本身，今次改用了5.5吋屏幕，加上收窄了邊框，所以拎上手感覺比上代6吋芒的G Flex細好多。但除此以外，睇落兩代的造型分別不算大，G Flex 2繼續採用LG「簽名」的Rear Key機背按鈕設計，背蓋亦依舊具備自我修護功能，不過當背蓋刮花了之後，今次會比上代更快回復原狀。
打側睇，機身真係好似隻蕉咁彎！機身又少少彈性，大力壓佢都唔易令佢變得再彎啲。屏幕上方同左右3條邊框都收窄了，幫助縮減機面面積。
首用64-bit八核U 就算機身點樣突破，用家始終係更着緊手機規格的改進。G Flex 2是LG首部採用64-bit八核心Qualcomm Snapdragon 810處理器的手機，配合埋為64-bit處理器而設的Android 5.0系統，牌面確實比不少手機強，廠方指這對multi-tasking特別有幫助。此外，G Flex 2還配備新款的Qualcomm Adreno 430圖像處理器，能夠提升打機、睇片的效能。不過，這些方面始終要實際測試過方能見真章，單從規格數字睇，反而有些網友對G Flex 2仍然只有2GB RAM有點失望。
雖採用膠背蓋，但加上仿金屬壓紋來減低「膠感」。背蓋能夠打開插SIM及microSD，但不能換電，奇怪。不過，G Flex 2具備快速充電功能，40分鐘就能叉滿3,000mAh電池的50%，都算有為用家設想。機背按鈕的設計，本身已需要用家花點時間去習慣，再加上機身呈弧形，習慣時間要更耐。
差一點才追上G3 其他方面，G Flex 2的機背鏡頭雖維持在1,300萬像素，卻加入了LG G3的鐳射自動對焦系統，試拍時覺得對焦速度真的比一般手機快些少；只可惜G3擁有的4K攝錄功能，則沒有出現在G Flex身上。另外，G Flex 2的屏幕解像度雖已由上代的1,280x720，提升到1,920x1,080，但既然G3的屏幕達到了2,560x1,440像素，用家好自然會期望G Flex 2有同級解像度，但結果卻沒有，也跟大家的預期有點落差。以G Flex 2 $5,698的價位，大家當然會視它為旗艦機，對它的規格有高一點的要求，好正常喎！
屏幕下方無按鈕，3粒常用鍵都變成虛擬掣。具備Glance View一瞥預覽功能，即使屏幕正關上，但只要用手指由芒頂向下掃，畫面便會顯示出時間、未接來電等資訊。試相後置1,300萬像素鏡頭：在室內不夠光的環境下影相，效果合格，而鐳射自動對焦系統的速度確實幾快。前置210萬像素鏡頭：相質一般，若然開啟了美顏功能，人樣更會出現油畫化，男士唔啱用，借畀女伴自拍啱啲。
LG G Flex 2規格售價：$5,698 系統：Android 5.0 制式：LTE、HSPA+、WCDMA、GSM 屏幕：5.5" 1,920x1,080 POLED 處理器：Qualcomm Snapdragon 810 2.0GHz 64-bit八核心記憶體：2GB RAM 鏡頭：1,300萬像素（後置）、210萬像素（前置）儲存空間：內置32GB、microSDXC（最高支援2TB）電池：3,000mAh 體積：149.1x75.3x9.4mm 重量：152g 顏色：灰/紅查詢：LG　3543 7777

COMMENT

KEYWORD

LG G Flex 2, 弧形屏幕

< PREVIOUS

鐵板上的火熱Brownie

2015-02-12

NEXT >

玫瑰雪糕融入心中

2015-02-12

SOMETHING NEW

以文字為主嘅社交平台「Threads」，自去年7月推出後迅速爆紅，介面簡約而且冇廣告吸引大批網民使用，目前每月活躍用戶已高達2.75億人。但最近有消息指，Threads將於明年開放廣告投放功能，睇嚟社交媒體最後一片淨土 ...

tech

【科技】要來的始終要來！傳Threads將於2025年初加入廣告

15 Nov 2024

由韓國SHIFT UP公司開發，目前係PS5獨佔嘅動作遊戲《劍星》宣佈明年將會推出PC版本。咁唔單止代表各位PC玩家都有望玩到呢隻被DEI社群口誅筆伐、但男玩家可以睇主角「伊芙」爬一條繩爬足一日嘅「神作」，更好可能代表 ...

tech

【電玩】更香的伊芙來了！《劍星》明年推PC版下週推《尼爾：自動人型》DLC

14 Nov 2024

SOMETHING YOU LIKE


2013年年尾，LG推出首部「彎機」G Flex，就算廠方提出多個這設計的優點，但不少人仲係認為佢係為整而整。不過，隨住呢一年幾以來，手機被坐彎、甚至坐爆的消息一單接一單傳出，令人開始相信呢種設計係有實際作用的，至少我係咁樣諗！再加上經過LG G3等機獲得好評過後，LG似乎再度受到用家重視，買新機會先優先考慮這牌子，所以今次LG玩多round，推出第二代彎機G Flex 2，坊間對它的態度好似變得更正面。當然，還有另一重要因素令人較為接受它，就係它的定價係$5,698！仲係唔算平嘛，我知呀，但各位記不記得第一代G Flex的開賣價係幾多呀？係$6,698呀，係咪即刻覺得LG有進步呢？

改良弧度兼修身循例都先講講廠方指出的弧形手機優點，就係更加符合人體工學（G Flex 2的半徑曲線弧度達到650mm），好揸手啲，講電話時亦會更貼面，聽得更加清楚。另外，弧形的手機屏幕都會好似近年興起的弧形電視，能提供更好的觀賞角度，不過手機咁細部，我個人幾懷疑用家能否感受到這個好處。講番G Flex 2本身，今次改用了5.5吋屏幕，加上收窄了邊框，所以拎上手感覺比上代6吋芒的G Flex細好多。但除此以外，睇落兩代的造型分別不算大，G Flex 2繼續採用LG「簽名」的Rear Key機背按鈕設計，背蓋亦依舊具備自我修護功能，不過當背蓋刮花了之後，今次會比上代更快回復原狀。
打側睇，機身真係好似隻蕉咁彎！機身又少少彈性，大力壓佢都唔易令佢變得再彎啲。屏幕上方同左右3條邊框都收窄了，幫助縮減機面面積。
首用64-bit八核U 就算機身點樣突破，用家始終係更着緊手機規格的改進。G Flex 2是LG首部採用64-bit八核心Qualcomm Snapdragon 810處理器的手機，配合埋為64-bit處理器而設的Android 5.0系統，牌面確實比不少手機強，廠方指這對multi-tasking特別有幫助。此外，G Flex 2還配備新款的Qualcomm Adreno 430圖像處理器，能夠提升打機、睇片的效能。不過，這些方面始終要實際測試過方能見真章，單從規格數字睇，反而有些網友對G Flex 2仍然只有2GB RAM有點失望。
雖採用膠背蓋，但加上仿金屬壓紋來減低「膠感」。背蓋能夠打開插SIM及microSD，但不能換電，奇怪。不過，G Flex 2具備快速充電功能，40分鐘就能叉滿3,000mAh電池的50%，都算有為用家設想。機背按鈕的設計，本身已需要用家花點時間去習慣，再加上機身呈弧形，習慣時間要更耐。
差一點才追上G3 其他方面，G Flex 2的機背鏡頭雖維持在1,300萬像素，卻加入了LG G3的鐳射自動對焦系統，試拍時覺得對焦速度真的比一般手機快些少；只可惜G3擁有的4K攝錄功能，則沒有出現在G Flex身上。另外，G Flex 2的屏幕解像度雖已由上代的1,280x720，提升到1,920x1,080，但既然G3的屏幕達到了2,560x1,440像素，用家好自然會期望G Flex 2有同級解像度，但結果卻沒有，也跟大家的預期有點落差。以G Flex 2 $5,698的價位，大家當然會視它為旗艦機，對它的規格有高一點的要求，好正常喎！
屏幕下方無按鈕，3粒常用鍵都變成虛擬掣。具備Glance View一瞥預覽功能，即使屏幕正關上，但只要用手指由芒頂向下掃，畫面便會顯示出時間、未接來電等資訊。試相後置1,300萬像素鏡頭：在室內不夠光的環境下影相，效果合格，而鐳射自動對焦系統的速度確實幾快。前置210萬像素鏡頭：相質一般，若然開啟了美顏功能，人樣更會出現油畫化，男士唔啱用，借畀女伴自拍啱啲。
LG G Flex 2規格售價：$5,698 系統：Android 5.0 制式：LTE、HSPA+、WCDMA、GSM 屏幕：5.5" 1,920x1,080 POLED 處理器：Qualcomm Snapdragon 810 2.0GHz 64-bit八核心記憶體：2GB RAM 鏡頭：1,300萬像素（後置）、210萬像素（前置）儲存空間：內置32GB、microSDXC（最高支援2TB）電池：3,000mAh 體積：149.1x75.3x9.4mm 重量：152g 顏色：灰/紅查詢：LG　3543 7777